20 жыл бұрын Қазақстанда Семей ядролық полигонында сынақ жүргізу тоқтатылды. Ядролық сынақ сұмдығын жақсы білетін Қазақстан халқы үшін полигонның жабылуы туралы мәселелер өте маңызды. Әрине, 40 жыл ішінде Семей полигонында 450 сынақ жүргізілген, міне осының салдарынан бір жарым миллион адам қасірет көрді. Сондықтан 1991 жылы 29 тамызда Мемлекет Басшымыз Нұрсұлтан Әбішұлы Назарбаев ойланбай-ақ, Семей ядролық полигонын жабу туралы жарлық шығарды. Бірнеше жыл өтісімен, дәл осы күн Халықаралық ядролық сынаққа қарсы әрекет ету күні болып аталды.

Осы маңызды күн қарсаңында Курчатов қаласында Қазақстан Республикасының Ұлттық ядролық орталығы кәсіпорнында салттанатты жиын өтті, кәсіпорын қызметкерлері грамота, алғыс хаттармен марапатталып, мерейтой белгісі бар төсбелгі табыстылды.

27 тамызда құрметті қонақтардың қатысуымен: Б.М.Джаксалиевтің, ҚР индустриясы мен жаңа технологиясының вице-министрі, С.Ш.Таукебаевтың, ШҚО әкімінің орынбасары, М.Б.Шариповтың, атом өнеркәсібі және энергетикасы ҚР индустриясы мен жаңа технологиялар Министрлігі Департаментінің директоры, В.А.Князевтің, Хлопина атындағы (Россия) Радиялық институтының экспедиция басшысы міндетін атқарушы, Д.Г.Гильмановтың, Ұлттық ядролық орталығының ардагері,С.У.Картоевтың, «Невада-Семей» халықаралық антиядролық қозғалысының вице-президенті, ССП бойынша пленарлық мәжіліс өтті, ал сағат 16.00-де қалалық мәдениет үйінде құрметті қонақтардың сөз сөйлеуімен, қала әкімінің грамота мен алғыс хаттарының және «Семей ядролық сынақ полигонының жабылуына 20 жыл» жазуы бар төсбелгілердің табысталуымен салтанатты жиын өтті.

Шығармашылық ұйымдар жиынға қатысушыларды ұмытылмас, керемет концертпен қуантты. Салтанатты жиын мерекелік фейерверкпен аяқталды.